नमस्कार शेतकरी मित्रांनो,
शेतकऱ्यांना शेती करताना अनेक उपकरणांची आवश्यकता असते. स्वतःची उपकरणे असणे हे शेतकऱ्यांसाठी फायदेशीर ठरते, कारण त्यामुळे खर्च कमी होतो. पण, ज्यांना स्वतःची उपकरणे नाहीत त्यांना भाड्याने उपकरणे घ्यावी लागतात, ज्यामुळे शेतीवरील खर्च वाढतो. कृषी यंत्रांची उपयुक्तता लक्षात घेऊन, महाराष्ट्र शासन शेतकऱ्यांना ट्रॅक्टर आणि इतर कृषी यंत्रांवर अनुदान देत आहे.
या वर्षी, २०२४-२५ च्या विशेष कृती योजने अंतर्गत, बॅटरी संचलित फवारणी यंत्र (Battery Favarni Pump) वितरीत करण्यात येणार आहे. याचा लाभ शेतकऱ्यांनी घ्यावा, असे आवाहन करण्यात आले आहे.
योजनेचा लाभ:
योजना अंतर्गत, वैयक्तिक शेतकऱ्यांना बॅटरी संचलित फवारणी पंप अनुदानावर उपलब्ध करून दिले जातील. अर्ज करण्यासाठी खालील महाडीबीटी पोर्टलचा वापर करावा लागेल.
पात्रता:
- शेतकऱ्याचे आधार कार्ड असणे अनिवार्य आहे.
- शेतकऱ्याकडे ७/१२ उतारा व ८ अ दाखला असावा.
- अनुसूचित जाती/अनुसूचित जमातीतील असलेल्या शेतकऱ्यांना जातीचा दाखला आवश्यक आहे.
- फक्त एका औजारासाठी अनुदान मिळवता येईल, म्हणजेच ट्रॅक्टर किंवा इतर यंत्र/अवजार.
- कुटुंबातील व्यक्तीच्या नावे ट्रॅक्टर असल्यास, ट्रॅक्टरचलित औजारासाठी लाभ मिळवण्यासाठी ट्रॅक्टराचा पुरावा जोडणे आवश्यक आहे.
- एका घटकासाठी/औजारासाठी लाभ घेतल्यास, त्याच घटक/औजारासाठी पुढील १० वर्षे अर्ज करता येणार नाही, पण इतर औजारांसाठी अर्ज करता येईल.
आवश्यक कागदपत्रे:
- आधार कार्ड
- ७/१२ उतारा
- ८ अ दाखला
- खरेदी करावयाच्या औजाराचे कोटेशन व केंद्र शासनाच्या मान्यताप्राप्त तपासणी संस्थेने दिलेला तपासणी अहवाल
- जातीचा दाखला (अनुसूचित जाती व अनुसूचित जमातीसाठी)
- स्वयं घोषणापत्र
- पूर्वसंमती पत्र
ऑनलाइन अर्ज करण्याची प्रक्रिया:
- योजनांचा लाभ घेण्यासाठी शेतकऱ्यांनी आपला मोबाईल क्रमांक आधार कार्डाशी संलग्न करणे आवश्यक आहे. महाDBT पोर्टल वर जाऊन “शेतकरी योजना” पर्याय निवडा.
- मोबाईल, संगणक/लॅपटॉप/टॅबलेट, सामुदायिक सेवा केंद्र (CSC), ग्रामपंचायतीतील आपले सरकार केंद्र इत्यादी माध्यमांद्वारे अर्ज करू शकता.
- “वैयक्तिक लाभार्थी” म्हणून नोंदणी करण्यासाठी आधार क्रमांक प्रमाणित करा.
- आधार क्रमांक नसेल तर आधार नोंदणी केंद्राकडे जाऊन नोंदणी करा व हा क्रमांक महा-डीबीटी पोर्टलमध्ये नमूद करा.
- अर्ज करण्यापूर्वी आधार क्रमांक नोंदणीकृत करून प्रमाणित करणे आवश्यक आहे.
- “पुढे अर्ज करा” लिंकवर क्लिक करा. कृषी यांत्रिकीकरण पर्याय निवडा.
- अर्जाच्या फॉर्ममध्ये माहिती भरा. “मुख्य घटक” म्हणून कृषी यंत्र औजारांच्या खरेदीसाठी अर्थसहाय्य निवडा.
- तपशील भरून “मनुष्यचलीत औजारे” पर्याय निवडा. “यंत्रसामग्री औजारे” निवडून “पीक संरक्षण औजारे” पर्याय निवडा.
- “मशीनचा प्रकार” मध्ये “बॅटरी संचलित फवारणी पंप” (कापूस/गळितधान्य) निवडा.
- योजनेच्या अटी आणि शर्ती मान्य करून “जतन करा” बटनावर क्लिक करा.
- “अर्ज सादर करा” बटनावर क्लिक करा. सूचना वाचून “ओके” बटनावर क्लिक करा.
- “पुढे पहा” बटनावर क्लिक करा. जर एकापेक्षा अधिक योजनांसाठी अर्ज केला असेल तर प्राधान्य क्रमांक द्या.
- अटी आणि शर्ती मान्य करून “अर्ज सादर करा” बटनावर क्लिक करा.
- बॅटरी संचलित फवारणी पंपासाठी २३.६० रुपये शुल्क भरावे लागेल. “Make Payment” बटनावर क्लिक करा आणि पेमेंटचा पर्याय निवडा.
- पेमेंट साठी सोपा पर्याय निवडा. क्यूआर कोडचा वापर करा आणि पेमेंटची पावती प्रिंट करून ठेवा.
अर्जाचे स्टेटस पाहण्यासाठी:
- महाDBT पोर्टलवर जाऊन “मी अर्ज केलेल्या बाबी” पर्याय निवडा.
- “छाननी अंतर्गत अर्ज” पर्यायावर क्लिक करा. येथे अर्जाचे तपशील व पोहोच पावती डाउनलोड करू शकता.
अधिक माहितीसाठी, कृषी विभागाचे कृषी सहायक, कृषी पर्यवेक्षक, मंडळ कृषी अधिकारी व तालुका कृषी अधिकारी यांच्याशी संपर्क साधावा.